Samsung Galaxy Note 8 With 6.3-inch QHD+ Display And Dual Rear Cameras Launched At 67,990 INR

Pichle month New York mein announce huye Samsung Galaxy Note 8 ko aaj company ne India ke ek press event mein launch kiya. Is smartphone ko kewal 2 color options mein market mein sale kiya jaayega, Midnight Black aur Maple Gold.

Galaxy Note 8 jiski kimat India mein 67,990 INR rakhi gayi hai, pre-orders ke liye aaj se hi available hai, jabki iski sale online Amazon aur Samsung shop online, saath hi offline Samsung stores par 21 September se shuru hogi.

Galaxy Note 8 6.3 inch ki Quad HD+ Super AMOLED display ek saath aayega jiska aspect ratio 18.5:9 hai, yaani ki badi display ke hote huye bhi aap ise aasaani se ek haath se operate kar sakte hain. Ye smartphone Octa Core Samsung Exynos 9 Series 8895 processor dwara sanchaalit hoga aur ismein 6GB ki RAM hai.

Galaxy Note 8 64GB ki internal storage ke saath uplabdh hoga jise aap microSD card slot ke saath 256GB tak badha sakte hai. Lekin iske other storage variants jo 128GB aur 256GB ROM ke saath aate hain, Indian mein launch nahi kiye gaye. Galaxy Note 8 mein security ke liye Iris aur fingerprint sensor dono hi moujood hain aur Android 7.1.1 Nougat par chalne waale is phone ko IP68 certification bhi praapt hai.

Galaxy Note 8 mein 12 MP ke dual rear cameras moujood hai, primary camera mein single tone LED flash, f/1.7 aperture, OIS bhi samaahit hai. Saath hi 12 MP ke doosre rear camera mein telephoto lens, f/2.4 aperture aur 2x optical zoom jaise features hain. Iska 8 MP ka front camera bhi auto focus aur f/1.7 aperture ke saath aata hai.

Galaxy Note 8 mein hybrid dual SIM slot hai aur ye 3300mAh ki battery ke saath mixed usage ke liye din bhar ke liye kaafi hai, ismein wired aur wirless charging dono ke liye fast charginf support moujood hai. Connectivity options honge – 4G VoLTE, 3G / HSPA+, EDGE / GPRS, Wi-Fi 802.11ac, Bluetooth v 5.0, GPS with GLONASS, USB Type C 3.1 port, NFC aur MST.

---

We hope this post helped you to find out the Samsung Galaxy Note 8 With 6.3-inch QHD.

We love to hear your comments on this article. Please feel free to leave any comments here.

If you liked this article, then please share to Social Media Site. You can also find us on Facebook, Twitter, and Instagram.

Thanks for reading this article.